國慶賽馬日頭場短評(10月1日沙田日賽）

國慶賽馬日第一場短評，形勢混亂。

國慶賽馬日頭場短評

沙田R1 5班1400米 A+3欄

1號鐵甲驌龍：晨操試跑仍然步緊緊，欠流暢性。今季已經熱身一場，減夠分落五班，上場於4班1200米季內初出，走勢平平，出閘慢左一下，但後段都總算跟到主馬群到終點，落到五班宜觀望，有走勢先跟進。始終北半球PPG仍需要時間適應，但相信增程有無好壞。馬匹跑法尚未確立，但落到五班相信會有一番作為，屬留意走勢跟進之馬。

2號志在福星：上季馬匹轉4歲後，陣上走勢開始穩定，落5班跑3場獲得2Q，證明馬匹轉歲後漸趨成熟，加上於5班作賽有一定優勢。季內熱身一仗正正在同程跑第2，負重磅尾段鬥輸亦無可厚非。不過今場需繼續負重磅而執個9檔，形勢遠遠不同上場。個人認為馬匹極需依賴內檔，近2次上名都是陣上要有遮擋，今場9檔形勢未明，但執意去放頭望空亦不算其最佳跑法，加上細馬休息2星期後再孭134磅出戰，只怕表現會略有偏差，因而最多只作配腳。

3號宇宙之光：馬匹今季由巫廐轉至徐廊，今季亦已熱身，減分落五班，隨即增程至1400米。馬匹晨操走落稚嫩，仍需要馬定機教馬穩定走勢，今場機會看淡。但長遠來說，馬匹增程合腳法，母線馬都是需要跑長一點。加上之前陣上雖有輕微追勢，但略顯均速，若此後再增程亦不無道理。唯一變數是今場馬匹轉配備，初戴頭罩和防沙眼罩，目的都是為了提高專注力和新鮮感，觀望走勢。

4號威威父子：此馬谷優於田，但賀賢仍安排此駒繼續出戰田草1400，並加強配搭，黃寶妮轉潘頓，看似想急於交代。馬匹晨操觀感變化不大，一如以往平穩。上場季內初出表現中規中矩，頭二馬已經走甩，輕輕追回一席第三，用力不大。但今場換人後大幅加磅，由125磅變134磅，對不足1000磅的馬來說考驗極大。另外，A+3跑道直路較長，威威父子是一隻力短馬，需要在直路忍忍埋埋衝一段，極考驗潘頓發揮和陣上形勢，熱門的話要小心。

5號龍又生：今季初出，上季陣上有接近走勢，但經抖暑後看似馬匹進度不大，9月中試閘直路貫注力差，直路走勢明顯減弱，熱身後再留意走勢。

6號添喜運：馬匹經熱身後復課狀態有提升，上仗直路塞至最後100米先有位望空，可以說是接近無跑過。添喜運為大步均速前置馬，今場排14檔更加別無選擇要前領甚至搶放，加上馬於5班有微利，若可領放或守二疊前置，三甲機會樂觀，上季正正於4班同程贏馬，A+3賽道都可應付，前提跑道要正常，沒有嚴重偏差。

7號宇宙動力：馬匹報此程心意未明，但似想減分，1400米毫無根據，返谷草再考慮。

8號熊噹噹：馬在五班已顯充分能力，但其實4班亦夠跑，只不過傷病纏身，導致出賽頻率低。馬房對此駒亦有期望，4歲全季因傷患未曾上陣，休養至5歲才在香港服役初出，加上出賽後都一直有不同的健康問題影響。如今降到5班連場接近，加上今場排一檔，形勢相當好跑。初出後復課表現正常，再急急報同程，傷患馬不會保留，戰意十足。不過今場賠率偏熱，值唔值搏就見仁見智，

9號競駿天下：馬匹一向都是4,5班升降機，5班作賽有優惠，但此駒已經7歲，戰力已有輕微退化，晨操觀感無問題。桂福特馬房季初無寶不落，信心不大但都可拖一票。

10號幻影旋風：失望PP之一，今季轉投丁廐，但馬未熱身加上路程嫌短，晨操觀感如常，但跌37磅，轉配備亦都是尋求改變，走勢轉好再睇。

11號荃程路通：馬匹跑法單一，加上擺黃寶妮必定會搶放，113磅超輕磅，今場12檔影響不大，8月尾試閘表現亦有前有後，近期晨操亦季初前置跑法佔優，合理配腳之一。

12號不假外求：晨操觀感上比上季醒神，但走規仍一般般，五班略有走勢，上仗熱身走外疊都所負不遠，但可能要再增程，持觀望態度。

13號夢幻駿駒：方廊失望馬之一，田草1400止於接近，回師谷草1200米似唯一出路。

14號背背龍：馬匹跑1400略短，前速不足以放頭，加上能力質素有限，賽事形勢不利於此駒，增程再睇。

Tipsme賽馬版現已更新，資料詳盡方便度馬，快啲更新支持啦！